20.04.2026 | 14:31
Երևանում մեկնարկել է Plug and Play-ի ստարտափների աջակցության ծրագրի երրորդ փուլը
«Սերժ Սարգսյանն արդարացվեց, Լևոն Երանոսյանը համաներվեց․ ինչո՞ւ» թեմայով քննարկում. ՈՒՂԻՂ
Հասարակություն
06.06.2024 | 12:16
Մեդիա կենտրոնում մեկնարկել է քննարկում՝ «Սերժ Սարգսյանն արդարացվեց, Լևոն Երանոսյանը համաներվեց․ ինչո՞ւ» թեմայով։ Բանախոսներն են՝ Զավեն Գրիգորյան՝ Լևոն Երանոսյանի գործով տուժող, Արթուր Սաքունց՝ Հելսինկյան քաղաքացիական ասամբլեայի Վանաձորի գրասենյակի ղեկավար, իրավապաշտպան, Նինա Կարապետյանց՝ «Հելսինկյան ասոցիացիա» ՀԿ-ի նախագահ, իրավապաշտպան։
Ավելի քան չորս տարվա դատավարությունից հետո՝ մայիսի 31-ին, դատարանն արդարացրեց Հայաստանի երրորդ նախագահ Սերժ Սարգսյանին՝ հերքելով Դատախազության մեղադրանքը, թե նախագահության տարիներին Սերժ Սարգսյանը կազմակերպել է պետբյուջեից մոտ կես միլիարդ դրամի հափշտակությունը։
Հունիսի 3-ին Երևան քաղաքի ընդհանուր իրավասության դատարանը՝ նախագահությամբ դատավոր Հարություն Մանուկյանի, մեղավոր ճանաչեց ՀՀ նախկին փոխոստիկանապետ Լևոն Երանոսյանին, սակայն առաջադրված քրեական հոդվածներից մեկով կիրառվեց համաներում, և պատիժը պայմանականորեն չկիրառվեց, իսկ մյուսով՝ դադարեցվեց քրեական հետապնդումը, քանի որ անցել է վաղեմության ժամկետը։
