14.05.2026 | 23:29
Թուրքիայի և Վրաստանի քաղաքացիները 2025 թվականին ԵՄ-ից արտաքսումների թվով առաջին ու երկրորդ տեղերում են
Ալեն Սիմոնյանն ու Սլովենիայի նախագահը քննարկել են անվտանգային իրավիճակը Հարավային Կովկասում
Քաղաքականություն
05.06.2024 | 19:44
Սլովենիա կատարած պաշտոնական այցի շրջանակում Ալեն Սիմոնյանի գլխավորած պատվիրակությունը հունիսի 5-ին հանդիպել է Սլովենիայի Հանրապետության նախագահ Նատաշա Պիրց-Մուսարի հետ:
ՀՀ ԱԺ-ից տեղեկացնում են, որ հանդիպմանը քննարկվել է անվտանգային իրավիճակը Հարավային Կովկասում, Եվրոպայում և Միջին Արևելքում:
Ալեն Սիմոնյանը Նատաշա Պիրց-Մուսարին է ներկայացրել Հայաստան-Ադրբեջան բանակցությունների կարգավորման գործընթացը, շեշտել Ադրբեջանում ապօրինի պահվող հայ ռազմագերիների վերադարձի խնդրի անհապաղ լուծման անհրաժեշտությունը:
ԱԺ նախագահը նշել է, որ Հայաստանը հաստատակամ է Հարավային Կովկասում խաղաղության հաստատման հարցում և ներկայացրել ՀՀ կառավարության «Խաղաղության խաչմերուկ» նախագիծը:
Զրույցի առանցքում են եղել Հայաստանում ժողովրդավարական բարեփոխումները, համատեղ իրականացվող ծրագրերը Եվրոպական միության հետ:
Հայաստան-Սլովենիա երկկողմ հարաբերությունների խորացման համատեքստում պայմանավորվածություն է ձեռք բերվել ընդլայնել ոլորտային փոխգործակցությունը:
