05.09.2026 | 19:58
Քննարկվել են Հայաստանի և Իրաքյան Քուրդիստանի միջև տնտեսական կապերի զարգացման հնարավորությունները
Մենք գիտելիքներ և կամք ունենք, ծով համբերություն ունենք և գնում ենք հաղթանակի․ Արտակ Զեյնալյան
Քաղաքականություն
29.08.2018 | 19:46
«Լույս» դաշինքն իրականացնում է դրամահավաք, սակայն խնդիրը միայն նյութական միջոցները չեն, այն ունի նախ խորհրդանշական նշանակություն, քանի որ նյութական աջակցություն ցույց տվող մարդիկ կապվելու են դաշինքի հետ որոշումներ կայացնելու պատասխանատվությամբ։
Այս մասին այսօր կազմակերպված դրամահավաքի ժամանակ ասաց «Լույս» դաշինքի Երևանի քաղաքապետի թեկնածու Արտակ Զեյնալյանը՝ նշելով, որ կրում է պատասխանատվություն 111 հոգանոց թիմն առաջ տանելու համար։
Արտակ Զեյնալյանը նշեց նաև, որ «Լույսի» թիմն ի զորու է կատարելու ցանկացած նպատակ, որը կդնի իր առաջ։
«Նպատակը դրեցինք, կարելի է համարել, որ այն արդեն կատարված է, որովեհտև մենք գիտելիքներ և կամք ունենք, մենք ծով համբերություն ունենք, մենք նաև աշխատասեր ենք և գնում ենք հաղթանակի»,- ասաց Արտակ Զեյնալյանը՝ նշելով, որ ավագանու այս ընտրություններով բոլորին ներգրավվելու են որոշումներ կայացնելու մեջ։
