23.06.2026 | 10:37
Արտարժույթների փոխարժեքները՝ հունիսի 23-ի դրությամբ
«Երկիր Ծիրանի» կուսակցությունը Երևանի ավագանու ընտրություններին կմասնակցի 56 հոգուց բաղկացած ընտրացուցակով
Քաղաքականություն
29.08.2018 | 18:54
Երևանի ավագանու ընտրություններին «Երկիր Ծիրանի» կուսակցությունը կմասնակցի 56 հոգուց բաղկացած ընտրացուցակով, որը գլխավորում է Զարուհի Փոստանջյանը։ Այս մասին այսօր ԿԸՀ-ում լրագրողների հետ զրույցում ասաց խմբակցության անդամ Սոնա Աղեկյանը։
«Երևանցիներն արդեն ունեն հնարավորություն ունենալու քաղաքապետի թեկնածու, որը մտահոգ կլինի երևանցիների խնդիրներով, լավագույնս տիրապետում է դրանց, տուն առ տուն ծանոթ է և պատրաստ է վերցնել բեռը, որպեսզի Երևանը կարողանա դարձնել արդար քաղաք»,- ասաց նա։
Վերջինս նշեց, որ «Երկիր Ծիրանի» կուսակցությունն իրեն մրցակից չի դիտարկում որևէ մեկին, և իրենք իրենց առաջ նպատակ են դրել մաքրել Երևանը աղբից և կոռուպցիայից։ «Հիմա եկել է քաղաքապետարանն ավելի մանրակրկիտ մաքրելու ժամանակը»,- ասաց նա։
