11.01.2025 | 20:13
Կրակը Գլենդելից հեռու է. քաղաքապետը մանրամասներ է ներկայացրել
Արտառո՛ց է․ ԼՂ-ում պարտված շարժումը ՀՀ-ում վերակենդանացել է, ասում են՝ Ոսկեպարով գնանք Արցախ․ Վահրամ Աթանեսյան. ՏԵՍԱՆՅՈՒԹ
Քաղաքականություն
04.06.2024 | 20:00
Ինչպես 33 տարի Արցախի թեման եղել է ՀՀ ներքաղաքական դիսկուրսի մաս, հիմա նույնպես՝ կենտրոնական տեղ է զբաղեցնում Բագրատ արքեպիսկոպոս Գալստանյանի և ՀՀ իշխանության միջև բանավեճերում։ «Առանց Արցախի ես խեղդվում եմ, բայց չեմ ուզում խեղդվել։ Ուրեմն՝ Ոսկեպարով պիտի գնանք դեպի Արցախ»,- հայտարարել է ընդդիմության առաջնորդ Բագրատ Արքեպիսկոպոս Գալստանյանը։ Հրապարակախոս, Հայաստանի և Արցախի խորհրդարանների նախկին պատգամավոր Վահրամ Աթանեսյանը Factor TV-ի հետ զրույցում պնդում է, որ ընդդիմությունը չի տալիս կոնկրետ պատասխան, թե «Ոսկեպարով պիտի գնանք Արցախ» լոզունգը որպես քաղաքական ծրագիր ի՞նչ է ենթադրում իրենից այսօր․ պատերազմո՞վ, թե՞ միջազգային ճնշմամբ է հնարավոր վերադարձ։ Ավելի շուտ, ըստ պարոն Աթանեսյանի, այս գաղափարը մնում է լոզունգի մակարդակում, և ոչ թե քաղաքական ծրագիր է դառնում։
«Արտառո՛ց է իրավիճակը, որովհետև Արցախում պարտված շարժումը Հայաստանում վերակենդանացել է՝ պայքար, դիմադրություն, «Ոսկեպարով՝ Արցախ» լոզունգներ է բարձրացնում։ Ես վստահ եմ, որ Գալստանյանը վարչապետ ընտրվելով՝ իշխանությունը հանձնելու է ուրիշին, այսինքն՝ Հայաստանում այն ուժերին, որոնք Սամվել Շահրամանյանի ընտրությունը ողջունեցին, և նրա ընտրվելուց 10 օր անց նա ստորագրեց Արցախի լուծարման հրամանագիր»։
Վահրամ Աթանեսյանը հանրահավաքներում արցախցիներին ներգրավելը և Արցախ վերադարձնելու խոստումները մանիպուլյացիա է որակում․ «Բագրատ Սրբազանը արցախցիների մոտ հույս է արթնանցնում վերադարձի, ո՞նց եք պատասխան տալու, վախենում եմ՝ մարդիկ հուսախաբվեն, և Հայաստանում չապրեն, այլ ընտրեն Ռուսաստանը՝ արտագաղթեն մի պետություն, որը այստեղ շարժում է գեներացնում»։ Անդրադառնալով այն հարցին, թե Արցախի հայաթափումը չկանխելով՝ ՌԴ-ն իրապես պատժե՞լ է Փաշինյանին, և նրա հեռացումով արդյո՞ք դեպի դրականը կփոխվի ՌԴ-ի տեսակետը, Աթանեսյանը նշեց․ «ՌԴ-ն կարող էր պատժել Փաշինյանին՝ արցախցիներին պահելով Արցախում, լավ միջավայր ստեղծելով այնտեղ, և այդ դեպքում՝ Փաշինյանը կհանձներ իշխանությունը, քանի որ Սյունիքում ապրողները կտեսնեին, թե ինչքան բարձր է Արցախում կյանքի մակարդակը, իշխանության դեմ ներքևից բողոք կստեղծվեր»։
Ի դեպ, Վահրամ Աթանեսյանը խոսելով 2023-ի սեպտեմբերի 19-ին ԼՂ-ի դեմ Ադրբեջանի ռազմական օպերացիայի և արցախցիների բռնագաղթի թեմայով, նշեց, որ Արցախի իշխանությունը Ալիևի ներկայացուցչից Եվլախում բենզին է խնդրել՝ Արցախից տարհանում կազմակերպելու նպատակով։
