07.10.2026 | 23:48
Արթուր Դանիելյանը կալանավորվեց
Ալեն Սիմոնյանն Ուրշկա Զուպանչիչին է ներկայացրել «Խաղաղության խաչմերուկ» նախագիծը
Քաղաքականություն
04.06.2024 | 17:53
Սլովենիա կատարած պաշտոնական այցի շրջանակում ՀՀ ԱԺ նախագահ Ալեն Սիմոնյանի գլխավորած պատվիրակությունը հունիսի 4-ին հանդիպել է ՍՀ ԱԺ նախագահ Ուրշկա Կլակոչար Զուպանչիչի հետ․ տեղեկացնում են ՀՀ ԱԺ-ից։
Զրուցակիցները բարձր են գնահատել Հայաստանի եւ Սլովենիայի միջեւ հաստատված հարաբերությունները՝ ընդգծելով խորհրդարանական դիվանագիտության կարեւորությունը երկու երկրների արդյունավետ փոխգործակցության հարցում:
Հանգամանալից քննարկվել է անվտանգային իրավիճակը Հարավային Կովկասում եւ Եվրոպայում:
Ալեն Սիմոնյանն Ուրշկա Զուպանչիչին է ներկայացրել ՀՀ կառավարության «Խաղաղության խաչմերուկ» նախագիծը, ընդգծել ծրագրի կարեւորությունը Հարավային Կովկասում խաղաղության հաստատման եւ տարածաշրջանի երկրների համար առեւտրատնտեսական հնարավորություններ ստեղծելու համատեքստում:
«Հայաստանը հավատարիմ է ժողովրդավարության եւ խաղաղության սկզբունքներին»,- նշել է խորհրդարանի ղեկավարը:
Զրույցի առանցքում են եղել Հայաստան-ԵՄ հարաբերությունների սերտացման հեռանկարները, ՀՀ քաղաքացիների համար ԵՄ վիզաների ազատականացման երկխոսության մեկնարկը, հայ-ադրբեջանական հարաբերությունների կարգավորման գործընթացը եւ Ադրբեջանում ապօրինի պահվող հայ ռազմագերիների վերադարձի հրամայականը:
Հանդիպման ավարտին կողմերը հանդես են եկել համատեղ մամուլի հայտարարությամբ, որից հետո Ալեն Սիմոնյանը գրառում է կատարել Պատվավոր հյուրերի գրանցամատյանում եւ շրջայց կատարել Սլովենիայի Ազգային ժողովում:
