Քաղաքականություն
29.08.2018 | 18:47
Երևան քաղաքի ավագանու ընտրություններին «Ժառանգություն» կուսակցությունը կմասնակցի 49 հոգուց բաղկացած ընտրացուցակով։ Այս մասին այսօր ԿԸՀ-ում լրագրողների հետ զրույցում ասաց կուսակցության վարչության նախագահ Արմեն Մարտիրոսյանը՝ նշելով, որ ընտրություններին մասնակցելու են «Ժպտա» կարգախոսով։
«Բաց ճակատով ենք մասնակցելու ընտրություններին, որովհետև «Ժառանգությունն» այն փոքրաթիվ ընդդիմադիր կուսակցություններից էր, որ չտրվեց իշխանությունների կարգախոսներին»,- ասաց նա։
Արմեն Մարտիրոսյանը ներկայացրեց նաև իրենց ցուցակի առաջին եռյակում ընդգրկված թեկնածուներին: «Առաջին հորիզոնականում Րաֆֆի Հովհաննիսյանն է, երկրոդ հորիզոնականում ես եմ, իսկ 3-րդ հորիզոնականում Հովսեփ Խուրշուդյանն է»,- ասաց նա։
