14.01.2026 | 17:08
Քաղաքականության մեջ Եկեղեցու ներգրավված լինելու մեղադրանքը անհիմն է ու անընդունելի․ Մայր Աթոռում ԳՀԽ նիստ է կայացել
Թուրքական BOTAŞ-ն ու ադրբեջանական SOCAR-ը էներգետիկայի ոլորտում նոր համաձայնագրեր են ստորագրել
Քաղաքականություն
04.06.2024 | 19:49
Ադրբեջանի պետական նավթային SOCAR և Թուրքիայի պետական նավթագազային BOTAŞ ընկերությունները էներգետիկայի ոլորտում նոր համաձայնագրեր են ստորագրել, հայտնել է Ադրբեջանի էկոնոմիկայի նախարար Միքայիլ Ջաբբարովը։
«Ադրբեջանի և Թուրքիայի միջև ռազմավարական գործընկերությունը, ինչպես բոլոր ոլորտներում, հաջողությամբ զարգանում է նաև տնտեսության և էներգետիկայի ոլորտներում։ Թուրքիայի էներգետիկայի և բնական պաշարների նախարար Ալփարսլան Բայրաքթարի մասնակցությամբ SOCAR-ի և BOTAŞ-ի միջև էներգետիկայի ոլորտում ստորագրված համաձայնագրերը լրացուցիչ խթան կհաղորդեն տարածաշրջանում էներգետիկ անվտանգության ամրապնդմանը»,- գրել է Ջաբբարովը սոցցանցի իր էջում։
Թուրք նախարարն էլ հայտնել է, որ կողմերի միջև կնքվել է չորս համաձայնագիր։
«BOTAŞ-ի և SOCAR-ի միջև կնքված չորս պայմանագրերով ադրբեջանական գազը Թուրքիայի տարածքով կտեղափոխվի Եվրոպա և Նախիջևան, իսկ մեր երկիր՝ Թուրքմենստանի գազը։ Մենք նաև ստորագրեցինք BOTAŞ-ի և AGSC-ի միջև բնական գազի մատակարարման պայմանագրի՝ մինչև 2030 թվականի վերջը երկարաձգման վերաբերյալ համաձայնագիր, որն ավարտվում է այս տարի։ Հուսով եմ, որ պայմանավորվածություններն օգուտ կբերեն երկու եղբայրական երկրներին»,- գրել է Բայրաքթարը X-ի իր միկրոբլոգում։
