01.05.2026 | 23:26
Հարյուր հազարավոր մարդիկ Գերմանիայում մայիսմեկյան ցույցերի են դուրս եկել
Թուրքիայում ՏԻՄ ընտրություններից երկու ամիս անց քրդամետ կուսակցության քաղաքապետին ձերբակալել են՝ PKK-ի հետ կապերի կասկածանքով
Քաղաքականություն
03.06.2024 | 22:43
Թուրքիայի ոստիկանությունը հունիսի 3-ին արևելյան Հաքքարի նահանգում ՏԻՄ ընտրություններից երկու ամիս անց ձերբակալել է քրդամետ DEM կուսակցության քաղաքապետին՝ զինյալների հետ ենթադրյալ կապի համար, հայտնել է Թուրքիայի ՆԳՆ-ն։
Քաղաքապետ Դիդդիկ Աքըշը մեղադրվում է PKK-ի զինյալ խմբավորումում բարձր մակարդակի դերակատարություն ունենալու մեջ։
Անվտանգության աղբյուրները նշել են, որ ոստիկանական խմբերը խուզարկություն են իրականացրել Հաքքարիի քաղաքապետարանի շենքում՝ այդ ընթացքում ներս չթողնելով քրդամետ կուսակցության անդամներին։
«Ժողովրդի կամքով ամեն անգամ պարտվող իշխանությունը կրկին դիմել է իր ամենալավ իմացած ձևին՝ յուրացնելով (ժողովրդի) կամքը և հեղաշրջում կատարել»,- ասվում է քրդամետ կուսակցության հայտարարության մեջ։
Մարտի 31-ի տեղական ընտրություններում քրդամետ կուսակցությունը վերահաստատել էր տարածաշրջանում իր հզորությունը՝ հաղթելով հիմնականում քրդաբնակ հարավարևելյան 10 նահանգներում։
