09.09.2026 | 21:35
Մեկնարկել է Փաշինյանի և Մակրոնի հանդիպումը
«Տավուշը հանուն հայրենիքի» շարժման անդամներն ակցիա են իրականացնում ՔԿ-ի շենքի մոտ․ ԼՈՒՍԱՆԿԱՐՆԵՐ
03.06.2024 | 12:24
«Տավուշը հանուն հայրենիքի» շարժումը շարունակում է ակցիաները։ Այսօր ակցիայի մասնակիցները Բագրատ արքեպիսկոպոս Գալստանյանի առաջնորդությամբ Արաբկիրի Սուրբ Խաչ եկեղեցուց քայլել են դեպի Քննչական կոմիտե։ Նրանք պահանջում են, որ Արգիշտի Քարամյանը կամ ՔԿ-ից որևէ ներկայացուցիչ իջնի իրենց հետ հանդիպելու։
Շարժման մասնակիցները ձեռնաշղթաներով ակցիա իրականացրեցին Քննչական կոմիտեի մոտ՝ ի աջակցություն մայիսի 31-ին ԱԳՆ բակից բերման ենթարկված, ապա ձերբակալված քաղաքացիների։
Նշենք, որ «Հինգ իրավապաշտպանների նախաձեռնությունը» հայտարարություն է տարածել՝ պնդելով, որ մայիսի 31-ին ԱԳՆ վարչական շենքի դիմաց տեղի ունեցած միջադեպի փաստով ձերբակալված 27 քաղաքացիներից ոչ մեկին օրենքով սահմանված ժամկետում մեղադրանք չի ներկայացվել, ըստ այդմ՝ 72 ժամը լրանալուն պես նրանք պետք է ազատ արձակվեն Երևանի, Մասիսի ու Աբովյանի ՁՊՎ-ներից։
«72 ժամը լրանում է այսօր՝ հունիսի 3-ին, ժամը 15:30-ին (մի քանի անձի պարագայում՝ 17:00-ին)»,- ասված է հայտարարության մեջ:
