07.10.2026 | 19:12
Թուրքական նավերի վրա հարձակումներից հետո Էրդողանը Պուտինի հետ Սև ծովում անվտանգության հարցն է քննարկել
Վրաստանում եվրոպամետ ընդդիմադիր կուսակցությունները Գործողությունների համատեղ խարտիա են ստորագրում
Քաղաքականություն
03.06.2024 | 14:36
Թբիլիսիում ընդդիմությունն այսօր ստորագրում է Վրաստանի նախագահ Սալոմե Զուրաբիշվիլիի առաջարկած գործողությունների ծրագիրը, գրում է Գրուզիա օնլայնը։
Գրեթե բոլոր խոշոր ընդդիմադիր արևմտամետ կուսակցությունները նախկինում հայտարարել էին Խարտիային աջակցության մասին:
Նշվում է, որ Խարտիային միանալը չի պարտավորեցնում ընտրությունների գնալ մեկ ցուցակով։ Այս հարցը թողնված է կողմերի հայեցողությանը։ Սակայն բոլոր կուսակցությունները, որոնք միանում են Խարտիային, համաձայնում են, որ հոկտեմբերին կայանալիք ընտրությունները միջանկյալ են լինելու։ Եթե ընտրություններում հաղթի եվրոպամետ կոալիցիան, նրա մասնակիցները պարտավորվում են իրականացնել ժողովրդավարական բարեփոխումներ մինչև հաջորդ գարնանային նստաշրջանի ավարտը, այդ թվում՝ վերադարձնել Վրաստանը ԵՄ-ի հետ բանակցային գործընթաց։ Սրանից հետո պետք է հայտարարվեն արտահերթ ընտրություններ, որոնք կանցնեն ազատ ու մրցակցային միջավայրում, ասվում է հրապարակման մեջ։
