08.03.2026 | 12:12
Բեյրութում հյուրանոցի վրա հարվածի հետևանքով 4 մարդ է զոհվել․ Իսրայելը հայտարարում է, որ թիրախը իրանցի հրամանատարներն էին
Մետրոյում շարժասանդուղքների և գնացքների ձայնային հաղորդումներն ընթերցել են երեխաները
01.06.2024 | 15:12
Երեխաների իրավունքների պաշտպանության միջազգային օրվա կապակցությամբ հունիսի 1–ին Կարեն Դեմիրճյանի անվան Երևանի մետրոպոլիտենում երեխաների համար կազմակերպվել է ուրախ ու հետաքրքիր միջոցառում, որին մասնակից են եղել մետրոպոլիտենի գլխավոր տնօրեն Բաբկեն Սեդրակյանը և մետրոպոլիտենի աշխատակազմի ներկայացուցիչներ։
Տոնական օրվա կապակցությամբ՝ «Ռադիո Վան» ընկերության նախաձեռնությամբ Երևանի մետրոպոլիտենի կայարանային համալիրների, շարժասանդուղքների և գնացքների ձայնային հաղորդումներն ընթերցում էին երեխաները։
Սիրված մուլտհերոսների ուղեկցությամբ՝ օրվա հերոսները տոնական գնացքով ուղևորվել են դեպի «Հանրապետության հրապարակ» կայարան, որտեղ և շարունակվել է տոնախմբությունը։
Կայարանի շատրվանների մոտ երեխաները նկարվել են իրենց սիրելի մուլտհերոսների հետ, պարել, երգել, մասնակցել մրցույթների, համտեսել պաղպաղակ ու քաղցրավենիքներ և ստացել փոքրիկ նվերներ մետրոպոլիտենի անձնակազմի կողմից։
Տոնի առթիվ Երևանի մետրոպոլիտենի ողջ անձնակազմի մաղթանքը երեխաներին մեկն է` խաղաղ, անհոգ և երջանիկ մանկություն, բարօրություն և արժանապատիվ ապագա:
