09.09.2026 | 17:46
Գնաճը Հայաստանում 4.4% է․ միսը, ձուն, ծիրանն ու դիզվառելիքը զգալի թանկացել են
Զաքիր Հասանովը Բաքվում ընդունել է Թուրքիայի ԶՈւ-ի հետախուզության ղեկավարին
Քաղաքականություն
31.05.2024 | 17:27
Ադրբեջանի պաշտպանության նախարար Զաքիր Հասանովը Բաքվում ընդունել Թուրքիայի զինված ուժերի հետախուզության գլխավոր տնօրինության ղեկավար, գեներալ-գնդապետ Իսմայիլ Գյունայդինի գլխավորած պատվիրակությանը։
Ադրբեջանի ՊՆ-ն հայտնում է, որ Հասանովը գոհունակություն է հայտնել մայիսի 29-30-ը Թուրքիա կատարած աշխատանքային այցի կապակցությամբ և բարձր է գնահատել «EFES-2024» բազմազգ զորավարժությունների կազմակերպումը։
Հանդիպմանը քննարկվել են ռազմական և ռազմակրթական ոլորտներում երկկողմ համագործակցության ներկա վիճակն ու զարգացման հեռանկարները, ադրբեջանա-թուրքական բարձր մակարդակի ռազմական երկխոսության շրջանակներում անցկացված միջոցառումների կարևորությունը:
Թուրքական պատվիրակությունն այնուհետ հանդիպել է Ադրբեջանի ԳՇ պետ Քերիմ Վելիևի հետ։ Հանդիպմանը գոհունակություն է արտահայտվել Ադրբեջանի և Թուրքիայի միջև երկկողմ ռազմական համագործակցության ներկա վիճակի կապակցությամբ։ Ընդգծվել է նման հանդիպումների կարևորությունը փոխադարձ համագործակցության ընդլայնման տեսանկյունից։
Նշվում է, որ հանդիպմանը նաև մտքերի հանգամանալից փոխանակում է տեղի ունեցել փոխադարձ հետաքրքրություն ներկայացնող մի շարք հարցերի շուրջ։
