16.03.2026 | 23:18
ԵՄ-ն պատժամիջոցներ է սահմանել չինական և իրանական ընկերությունների նկատմամբ՝ կիբերհարձակումների համար
Հայ ժողովուրդը պիտի տեսնի, որ իր ապագան ոչ թե դրսից հրահրողների, այլ իր հարևանների հետ է․ Էրդողան
Քաղաքականություն
30.05.2024 | 15:18
Թուրքիայի նախագահ Էրդոանը մասնակցել է EFES 2024 զորավարժությունների շրջանակում Իզմիրում անցկացվող «Բարձրաստիճան դիտորդների օրվա» միջոցառմանը, գրում են թուրքական լրատվամիջոցները։
Ռեջեփ Թայիփ Էրդողանը նշել է, որ Անկարան շարունակում է աշխատանքը՝ ապահովելու, որ «խաղաղությունը, անդորրը և կայունությունը տիրեն լայն աշխարհագրության մեջ, որը տարածվում է Պակիստանից մինչև Աֆղանստան, Լիբիայից մինչև Սոմալի և Սուդան, թուրքական հանրապետություններից մինչև Բալկաններ»:
Իր ելույթում նա անդադարձել է նաև Հայաստանին։
«30 տարի անց Ղարաբաղի «ազատագրմամբ» մեր տարածաշրջանում մշտական խաղաղության իսկապես պատմական հնարավորություն է բացվել: Կարծում ենք՝ սա չպետք է բաց թողնել։ Հայաստանը կմոտենա խաղաղությանը՝ ազատվելով օտար ուժերի և սփյուռքի գերությունից։ Հայ ժողովուրդը պետք է տեսնի, որ իր ապագան ոչ թե դրսից հեքիաթներ երգողների կամ հրահրողների հետ է, այլ այն հարևանների, ում հետ դարեր շարունակ ապրել ու ապրելու է։ Պետք է դա հասկանա և համարձակորեն անի այն, ինչ անհրաժեշտ է»,-հայտարարել է Էրդողանը։
Նա նաև նշել է, որ զորավարժությունները ուղղված չեն որևէ երկրի դեմ։
«Մենք թշնամություն կամ նախապաշարմուններ չունենք որևէ երկրի դեմ, մենք աչք չունենք որևէ մեկի հողի կամ ինքնիշխան իրավունքների վրա»,-ասել է Թուրքիայի նախագահը։
