30.04.2026 | 13:27
Երկու փոխվարչապետերի այցերը պատմական են. Փաշինյանը` Մուստաֆաևի այցի մասին․ ՏԵՍԱՆՅՈՒԹ
Մարտական բարդ առաջադրանքներ իրականացնող ՊՆ 10 զինծառայող պարգևատրվել է
Հասարակություն
11.07.2017 | 12:00
Պաշտպանության բանակի մարտական բարդ առաջադրանքներ իրականացնող տասը զինծառայողներ պարգեւատրվել են դյուրակիր համակարգիչներով։
Հայաստանի երիտասարդական հիմնադրամից հայտնում են, որ Հիմնադրամի հոգաբարձուների խորհրդի համակարգող, ՀՀ ԱԺ պատգամավոր Կարեն Ավագյանը նշել է, որ Երիտասարդական հիմնադրամը բազմաթիվ ծրագրեր է իրականացնում զինված ուժերում, որոնց նպատակը բանակ-հասարակություն կապի ամրապնդումն է, մերօրյա հերոսների սխրանքների ներկայացումն ու փառաբանումը։
Կարեն Ավագյանը, անդրադառնալով մարտական բարդ առաջադրանքներ իրականացնող զինծառայողների պարգեւատրմանը, նշել է, որ պետք է հպարտանալ նրանց անձնվեր ծառայությամբ եւ երախտապարտ լինել։
«Նրանք պատվով են կատարում բարդագույն խնդիրներ։ Սա ամենափոքր բանն է, որ մենք կարող ենք անել այդ հերոս տղաների համար, ում ամեն օրը սխրանքի պատմություն է»,– ասել է նա։
