21.07.2026 | 23:30
Էլեկտրամատակարարման ընդհատումներ՝ Երևանում ու մարզերում
Նյու Յորքում ավարտվել են Թրամփի գործով լսումները
Քաղաքականություն
29.05.2024 | 16:25
Նյու Յորքում ավարտվել են ԱՄՆ նախկին նախագահ Դոնալդ Թրամփի գործով լսումները․ նա մեղադրվում է 2016 թվականի նախընտրական քարոզարշավի ընթացքում իր մասին բացասական տեղեկությունները թաքցնելու համար փաստաթղթեր կեղծելու մեջ։ Երեքշաբթի օրը կողմերը հանդես են եկել եզրափակիչ ելույթներով, փոխանցում է DW-ի ռուսական ծառայությունը։
Այժմ երդվյալ ատենակալները պետք է միաձայն որոշում կայացնեն վեց շաբաթ տևած քննարկումներից հետո: Երդվյալ ատենակալների խորհրդակցությունները սովորաբար տևում են մի քանի ժամից մինչև մի քանի օր:
Եթե Թրամփը մեղավոր ճանաչվի, նրան սպառնում է երկար տարիների ազատազրկում (ընդհանուր՝ մինչև 136 տարվա), պայմանական ազատազրկում կամ տուգանք։
Նախկին նախագահն իրեն մեղավոր չի ճանաչում և մտադիր է նոյեմբերին կայանալիք նախագահական ընտրություններում առաջադրվել որպես թեկնածու, նույնիսկ եթե մեղավոր ճանաչվի:
Եթե երդվյալ ատենակալները չկարողանան համաձայնության գալ և դատավճիռ չլինի, և դատավարությունը կարող է վերսկսվել նոր ատենակալների կազմով:
