23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Պոլսի Հայոց պատրիարքն այցելել է Ստամբուլի քաղաքապետին ու շնորհավորել վերընտրվելու կապակցությամբ
Քաղաքականություն
29.05.2024 | 18:17
Պոլսի Հայոց պատրիարք Սահակ Մաշալյանն այցելել է Ստամբուլի քաղաքապետ Էքրեմ Իմամօղլուին, հայտնում է Agos-ը։ Այցի ընթացքում պատրիարք Մաշալյանին ուղեկցել են պատրիարքի փոխանորդ քահանա Գրիգոր Տամատյանը, Հայկական հիմնադրամների ասոցիացիայի գլխավոր քարտուղար Լևոն Կուզիկօղլուն և Մարիամ Աստվածածին եկեղեցու հիմնադրամի նախագահ Հրանտ Մոսկոֆյանը։
Պատրիարք Մաշալյանը հայ համայնքի անունից շնորհավորել է Էքրեմ Իմամօղլուին քաղաքապետի պաշտոնում ընտրվելու կապակցությամբ և հաջողություն մաղթել։
Ընդգծելով Ստամբուլի պես մարդաշատ քաղաքում աշխատելու դժվարությունները՝ Մաշալյանը նշել է, որ «շարունակում է աղոթել, որ Աստված իրեն ուժ ու իմաստություն տա այս առաքելությունում»։ Պատրիարքը նաև մի շարք խնդիրներ է ներկայացրել։ Իմամօղլուն իր հերթին խնդիրների լուծման նպատակով Ստամբուլի ավագանու գլխավոր քարտուղարի օգնական Մահիր Փոլաթին հանձնարարել է անհրաժեշտ աշխատանքներ կատարել և տեղեկագիր պատրաստել։ Ըստ լրատվամիջոցի՝ խոսքը դպրոցների սեյսմակայունության ուսումնասիրությունների մասին է։ Իմամօղլուն իր երախտագիտությունն է հայտնել այցի և բարեմաղթանքների համար։
