14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ուկրաինային պետք է թույլ տալ «չեզոքացնել» ՌԴ ռազմաբազաները․ Մակրոն
Քաղաքականություն
29.05.2024 | 16:46
Կիևին պետք է թույլ տրվի «չեզոքացնել» ռուսական ռազմաբազաները, որտեղից Մոսկվայի զորքերը հրթիռներ են արձակում Ուկրաինայի ուղղությամբ։ Այս մասին հայտարարել է Ֆրանսիայի նախագահ Էմանուել Մակրոնը, գրում է Le Monde-ը։ Ըստ Մակրոնի՝ միաժամանակ չպետք է թույլ տալ, որ Արևմուտքի կողմից մատակարարվող հեռահար զենքերից հարվածները դիպչեն Ռուսաստանում այլ թիրախների՝ քաղաքացիական հաստատությունների։
Ֆրանսիայի նախագահն այսպիսի կարծիք է հայտնել Գերմանիա կատարած պետական այցի ժամանակ կանցլեր Օլաֆ Շոլցի հետ մամուլի ասուլիսի ժամանակ։ Այս թեմայի շուրջ, սակայն, Կիևի դաշնակիցների շրջանում կոնսենսուս չկա: Գերմանիան դեմ է այդ մոտեցմանը՝ մտավախություն ունենալով, որ դա կարող է հանգեցնել Մոսկվայի հետ ուղիղ առճակատման:
Մակրոնի մեկնաբանություններից հետո Շոլցն ասել է, որ կան Ուկրաինային մատակարարվող զենքի օգտագործման կանոններ, և որ դա «միշտ պետք է լինի միջազգային իրավունքի շրջանակներում»։
ՌԴ նախագահ Վլադիմիր Պուտինն էլ նախազգուշացրել էր «լուրջ հետևանքների» մասին, եթե արևմտյան երկրները թույլ տան Ուկրաինային օգտագործել իրենց զենքերը Ռուսաստանին հարվածելու համար։
