09.09.2026 | 22:33
Երևանի և 9 մարզի մի շարք հասցեներում էլեկտրաէներգիայի անջատումներ կլինեն
Ալիևը կնոջ հետ մասնակցել է սեփական առևտրի կենտրոնի բացմանը
Քաղաքականություն
30.05.2024 | 11:24
Ադրբեջանի նախագահ Իլհամ Ալիևը շարունակում է այցելել իր ընտանեկան բիզնես օբյեկտների բացմանը, որոնք ներկայացվում են, որպես հանրային միջոցառում։ Մասնավորապես, մայիսի 27-ին Իլհամ Ալիևը կնոջ՝ Մեհրիբան Ալիևայի հետ մասնակցել է Crescent Bay նախագծի շնորհանդեսին և Բաքվում Crescent Mall առևտրի կենտրոնի բացմանը։ Pasha Malls Group-ի գլխավոր գործադիր տնօրեն Յաման Շահինը ներկայացրել է առևտրի կենտրոնում ստեղծված պայմանները՝ 107 հագուստի խանութ, գաստրոնոմիական, առողջապահական, մանկական ժամանցի կենտրոններ։ Այնտեղ աշխատելու է շուրջ 2400 մարդ։
Crescent Mall առևտրի կենտրոնը պատկանում է Ալիևների«Pasha Malls Group» ընկերությանը (այն էլ իր հերթին Pasha Holding-ին ) և հանդիսանում է երկրի 8-րդ ամենամեծ առևտրի կենտրոնը։ Այս մասին տեղեկատվությունը ներկայացված է հենց «Pasha Malls Group»-ի պաշտոնական կայքում։
Pasha Holding-ին են պատկանում «Port Baku», «Deniz Mall», «28 Mall», «Ganjlik Mall», «Amburan Mall», «Shuvelan Park», «Ganja Mall» և «Crescent Mall» առևտրի կենտրոնները։
Pasha Holding-ն Ադրբեջանի առաջին տիկին և փոխնախագահ Մեհրիբան Ալիևայի հոր՝ Արիֆ Փաշաևի սեփականությունն է։Այստեղ բաժնեմասեր ունեն նաև նախագահ Ալիևի դուստրերը՝ Լեյլա և Արզու Ալիևաները։ 2013 թվականից Արիֆ Փաշաևը հոլդինգի կառավարումը փոխանցել է Լեյլա և Արզու Ալիևաներին։
Էմմա Չոբանյան
