16.03.2026 | 23:18
ԵՄ-ն պատժամիջոցներ է սահմանել չինական և իրանական ընկերությունների նկատմամբ՝ կիբերհարձակումների համար
Թուրքիայի ԱԽ այսօրվա նիստում կքննարկվի Հայաստանի և Ադրբեջանի միջև խաղաղության գործընթացը
Քաղաքականություն
28.05.2024 | 11:52
Թուրքիայի Ազգային անվտանգության խորհուրդը, երկրի նախագահ Ռեջեփ Թայիփ Էրդողանի գլխավորությամբ, երկամսյա ընդմիջումից հետո այսօր այս տարվա երրորդ հանդիպումը կանցկացնի։ Թուրքական լրատվամիջոցները հայտնում են, որ նիստի օրակարգի առաջին թեման ահաբեկչության դեմ պայքարն է։
Նշվում է, որ Թուրքիայի նպատակն է՝ մինչև այս ամառ ավարտին հասցնել իրաքյան սահմաններում անվտանգության հարցը։
Հանդիպման ընթացքում քննարկվելու են Իրաքի հյուսիսում «ահաբեկչական տարրերի ոչնչացման շարունակական գործողությունները», PKK/YPG-ի կողմից Սիրիայի հյուսիսում զբաղեցրած վայրերում ընտրություններ անցկացնելու նախապատրաստական աշխատանքներն ու դրանք լեգիտիմացնելու ջանքերի դեմ միջոցները։ Խորհրդի անդամները տեղեկատվություն կտրամադրեն նաև այլ կազմակերպությունների դեմ պայքարում վերջին իրավիճակի մասին, ինչպիսիք են FETO-ն և ԻԼԻՊ-ը։
Բացի այդ, նիստի օրակարգում են լինելու տարածաշրջանային և միջազգային այլ հարցեր, հատկապես՝ Ռուսաստան-Ուկրաինա պատերազմը, Ադրբեջանի և Հայաստանի միջև խաղաղության գործընթացը, Իրանում զարգացումները և Հունաստանի հետ հարաբերությունները։
Քննարկվելու են նաև Գազայում Իսրայելի ռազմական գործողությունները:
