01.11.2024 | 12:27
Ուկրաինական ԱԹՍ-ն գրոհել է Ստավրոպոլի նավթի պահեստը․ՏԵՍԱՆՅՈՒԹ
Կիևն ու Մադրիդն անվտանգության համաձայնագիր են ստորագրել
Քաղաքականություն
27.05.2024 | 18:24
Ուկրաինան և Իսպանիան համաձայնագիր են ստորագրել անվտանգության ոլորտում համագործակցության մասին, հայտարարել է Իսպանիայի վարչապետ Պեդրո Սանչեսը։ Սա արդեն տասներորդ նման համաձայնագիրն է, նշում է BBC-ի ռուսական ծառայությունը։
«Մենք ստորագրել ենք քաղաքական համաձայնագիր, որը շատ կարևոր դեր ունի։ Սա պայմանագիր է ապագայի համար, և դա մեր վճռականության օրինակն է՝ Ուկրաինային տրամադրել բոլոր գործիքները՝ Ուկրաինային կայունություն ապահովելու համար։ Մենք արդեն տասներորդ երկիրն ենք, որը նման համաձայնագիր է ստորագրել Ուկրաինայի հետ՝ անցյալ տարի G7-ի հռչակագրի շրջանակում»,- մեջբերում է հրատարակությունը Իսպանիայի վարչապետին։
Հայտարարվել է Կիևին իսպանական օգնության նոր փաթեթի մասին՝ 1,13 միլիարդ եվրոյի չափով։ Իսպանիայի վարչապետը հաստատել է, որ ռազմական օգնության փաթեթը ներառում է հակաօդային պաշտպանության մատակարարումներ։
