29.05.2026 | 23:37
Երևանում կկայանա «Rise» ռազմարդյունաբերական ցուցահանդեսը. կներկայացվեն նախկինում երբևէ չցուցադրված նմուշներ
Վրաստանի վարչապետը հայտարարել է Աբխազիան և Հարավային Օսիան վերադարձնելու և եվրաինտեգրման ճանապարհը շարունակելու մտադրության մասին
Քաղաքականություն
27.05.2024 | 13:22
Վրաստանը պատրաստվում է վերադարձնել Աբխազիան և Հարավային Օսիան՝ վերականգնելով երկրի տարածքային ամբողջականությունը, ինչպես նաև մինչև 2030 թվականն անդամակցել Եվրամիությանը։ Այս մ ասին հայտնել է երկրի վարչապետ Իրակլի Կոբախիձեն X-ում արված գրառմամբ։
«Մեր վրացական երազանքն է՝ մինչև 2030 թվականն ապրել միասնական և ուժեղ Վրաստանում՝ մեր աբխազ և օս եղբայրների և քույրերի հետ միասին։ Միացյալ և ուժեղ Վրաստանը պետք է դառնա եվրոպական ընտանիքի լիիրավ անդամ 2030 թվականը»,- գրել է նա՝ շնորհավորելով հայրենակիցներին Անկախության տոնի առթիվ։
Մինչ այդ, Վրաստանի ու ԵՄ-ի հարաբերությունները վատթարացել են խորհրդարանի կողմից «օտարերկրյա գործակալների» մասին օրենքի ընդունման պատճառով։ Ըստ Արևմուտքի՝ այս օրենքը նման է ռուսականին, որը Կրեմլն օգտագործում է այլախոհ քաղաքացիներին և անկախ հասարակական կազմակերպություններին ու լրատվամիջոցներին հետապնդելու համար:
Աղբյուրները Financial Times-ին հայտնել էին, որ ԵՄ-ն կարող է սառեցնել երկրի անդամակցության հայտը, եթե օրենքն ուժի մեջ մտնի:
