09.04.2026 | 14:44
Իրանի դեսպանը ջնջել է Պակիստանում ԱՄՆ-Իրան բանակցությունների մասին գրառումը
ՊՆ վարչական համալիրում շարունակվում են հավաք-պարապմունքները
28.08.2018 | 20:22
ՊՆ վարչական համալիրում նախօրեից մեկնարկած հավաք-պարապմունքի ընթացքում այսօր դասախոսությունով հանդես են եկել ՀՀ ՊՆ իրավաբանական վարչության պետ Սասուն Սիմոնյանը, ՀՀ ԶՈՒ ԳՇ ռազմավարական պլանավարման վարչության պետ, գ/մ Գենադի Տավարածյանը, նույն վարչության պետի տեղակալ, գնդապետ Արմեն Առուստամյանն ու վարչության ավագ սպա, գնդապետ Արթուր Զախրաբեկյանը:
Բանախոսներն անդրադարձել են պետության պաշտպանության կազմակերպման իրավական հիմքերին, այդ գործընթացը կարգավորող օրենքներին և սահմանադրության համապատասխան կետերին, ինչպես նաև ներկայացրել են պետական միասնական կառավարման համակարգի՝ խաղաղից պատերազմական ժամանակաշրջանի փոխադրման հիմնադրույթները: Անդրադարձ է կատարվել ժամանակակից պատերազմների բնույթին և ռազմական գործողությունների վարման եղանակներին:
