Քաղաքականություն
27.05.2024 | 12:34
Թուրքական Մերսինում Տարսուս-Ադանա-Գազիանթեփ ավտոճանապարհին 4 մեքենաների մասնակցությամբ շղթայական ավտովթարի հետևանքով զոհերի թիվը հասել է 10, վիրավորվել է 40 մարդ, գրում են թուրքական լրատվամիջոցները։
«Մերսին-Ադանա ավտոճանապարհին տեղի ունեցած մարդատար ավտոբուսի հետ կապված շղթայական ճանապարհատրանսպորտային պատահարի հետևանքով զոհվել է 10 մարդ, վիրավորվել՝ 40 մարդ, որից 9-ը ծանր վիճակում է։ Վիրավորների բուժումը շարունակվում է մեր հիվանդանոցներում, հատկապես՝ Մերսինի քաղաքային հիվանդանոցում, Մերսինի Տարսոնի պետական հիվանդանոցում և Ադանա Չուկուրովայի պետական հիվանդանոցում։ Ցավակցում եմ զոհվածների հարազատներին, իսկ վիրավորներին՝ շուտափույթ ապաքինում»,- նշել է առողջապահության նախարար Ֆահրեթթին Քոջան։
Հաղորդվում է, որ մարդատար ավտոբուսը դուրս է եկել հանդիպակաց գոտի և մխրճվել 2 մարդատար և 1 բեռնատար մեքենաների մեջ։
