07.10.2026 | 15:01
«Էրեբունի-Երևան 2808»-ի միջոցառումներով պայմանավորված մի շարք փողոցներ կփակվեն
Զելենսկին Խարկովում հանդիպում է անցկացրել ռուսական ինտենսիվ հարձակումների ֆոնին
Քաղաքականություն
24.05.2024 | 18:31
Խարկովի մարզում ռուսական բանակի հարձակումների ֆոնին Ուկրաինայի նախագահ Վլադիմիր Զելենսկին մայիսի 24-ին Խարկովում հանդիպում է անցկացրել «տարածաշրջանում օպերատիվ իրավիճակի և ջեռուցման սեզոնի նախապատրաստման վերաբերյալ», գրում է DW-ի ռուսական ծառայությունը։
Հանդիպման ընթացքում զեկույցներ են հնչել տարածաշրջանում պաշտպանության, մասնավորապես՝ Վոլչանսկի ուղղությամբ, ինչպես նաև էներգետիկ ենթակառուցվածքների վերականգնման մասին, ասել է Զելենսկին։ Հատուկ ուշադրություն է դարձվել ռուսական հրթիռակոծության պատճառով Խարկովի մարզից տարհանված ուկրաինացիներին բնակարաններով ապահովելուն։
Հանդիպմանը Խարկովի մարզի պաշտպանության մասին զեկույցը ներկայացրել է Ուկրաինայի զինված ուժերի գլխավոր հրամանատար Ալեքսանդր Սիրսկին։ Նրա խոսքով՝ ռուսական բանակն «ամբողջովին ընկել է Վոլչանսկի համար փողոցային մարտերում և շատ մեծ կորուստներ է կրել գրոհային ստորաբաժանումների անձնակազմում»։
«Ռուսական հրամանատարությունը տարբեր ուղղություններից ռեզերվներ է տեղափոխում Վոլչանսկ՝ փորձելով աջակցել ակտիվ հարձակման գործողություններին, սակայն ապարդյուն»,- հավելել է գերագույն գլխավոր հրամանատարը։
Ինտենսիվ մարտերը, ըստ Սիրսկիի, շարունակվում են Կուպյանսկի ուղղությամբ՝ Կիսլովկա գյուղի տարածքում, որտեղ ռուսական զորքերը փորձում են «ճեղքել ուկրաինական պաշտպանությունը և հասնել Օսկոլ գետը», ինչպես նաև Չասով Յարի մատույցներում։ Առավել «կոշտ» մարտեր են ընթանում Դոնեցկի և Դնեպրոպետրովսկի շրջաններում՝ Կուրախովսկի և Պոկրովսկի ուղղություններով, ասել է գերագույն գլխավոր հրամանատարը։
Նրա խոսքով՝ ռուսական հարձակումը տեղի է ունենում «ինչպես զրահատեխնիկայի կիրառմամբ, այնպես էլ ոտքով, հաճախ մոտոցիկլետներով և մեքենայով»:
