09.09.2026 | 20:47
Ծովինար Վարդանյանը հրաժարվել է ինձ ընդունել, դիմել եմ դատարան. Էդգար Ղազարյան. ՏԵՍԱՆՅՈՒԹ
Թուրքիայում իշխանությունների դեմ դավադրության ապացույցներ չեն գտել
Քաղաքականություն
24.05.2024 | 16:07
Թուրքիայի իրավապահ մարմինների հետաքննությունը չի հայտնաբերել ապացույցներ, որոնք հաստատում են ուժային կառույցներում երկրի իշխանությունների դեմ դավադրությունը, գրում է Hurriyet թերթը։
Ավելի վաղ Թուրքիայի նախագահ Ռեջեփ Թայիփ Էրդողանն արտակարգ խորհրդակցություն էր անցկացրել հետախուզության և արդարադատության նախարարության ղեկավարների հետ՝ նախազգուշացնելով հնարավոր հեղաշրջման փորձի մասին։ Մինչ այդ, Անկարայի անվտանգության վարչության ոստիկանները հանցավոր կազմակերպության հետ կապեր ունենալու մեղադրանքով ազատվել էին աշխատանքից և ձերբակալվել։
«Անկարայի գլխավոր դատախազությունը և Ներքին գործերի նախարարության քննիչներն ավարտել են Սերդար Սերչելիքի հայտարարություններում «հեղաշրջման փորձի» մեղադրանքների հետաքննությունը։ Հետաքննության արդյունքում հեղաշրջման փորձի մեղադրանքները հաստատող ոչ մի ապացույց չի հայտնաբերվել»,- գրում է պարբերականի սյունակագիր, կառավարական շրջանակներին մոտ կանգնած Աբդուլքադիր Սելվին։
