11.08.2026 | 09:43
Արմավիրի մարզում 2026-ի առաջին կիսամյակում սպանության, սպանության փորձի և ավազակության բոլոր դեպքերը բացահայտվել են. ՆԳՆ
Խորհրդանշական է աշխարհի բազմաթիվ ժողովուրդների սերը վայելող Ազնավուրի հարյուրամյակը տոնել ՄԱԿ-ում. դեսպան Մարգարյան
Քաղաքականություն
23.05.2024 | 19:44
Մայիսի 22-ին Նյու Յորքում ՄԱԿ-ի կենտրոնակայանում տեղի է ունեցել Շառլ Ազնավուրի ծննդյան 100-ամյակին նվիրված միջոցառում, որին մասնակցում էին ՄԱԿ-ի Գլխավոր ասամբելայի նախագահը, Գլխավոր քարտուղարի տեղակալներ, ՄԱԿ անդամ երկրների բազմաթիվ դեսպաններ ու ներկայացուցիչներ։
«Միջոցառման մեկնարկին ելույթ ունենալով ՄԱԿ-ում Հայաստանի մշտական ներկայացուցիչ, դեսպան Մհեր Մարգարյանն անդրադարձավ Ազնավուրի հսկայական ժառանգությանը՝ երգարվեստին, հումանիտար գործունեությանը՝ շեշտելով, որ խորհրդանշական է աշխարհի բազմաթիվ ժողովուրդների սերը վայելող Ազնավուրի հարյուրամյակը տոնել ՄԱԿ-ում. կազմակերպություն, որը մարմնավորում է մեծ և փոքր պետությունների համաշխարհային հանրությունը։
Միջոցառմանը ներկայացվեց ֆրանսահայ լուսանկարիչ Ռոժե Կասպարյանի՝ Ազնավուրի կյանքի և գործունեության դրվագները պատկերող եզակի լուսանկարների ցուցահանդեսը։
Երեկոյի ընթացքում ՄԱԿ-ի աշխատակիցներից կազմված բազմազգ երգչախումբը (UN Singers) հանդես եկավ Ազնավուրի սիրված երգերի կատարումներով։
Ֆրանսահայ աշխարհահռչակ երգիչ, երգահան, դերասան Շառլ Ազնավուրի 100-ամյա հոբելյանն ընդգրկված է ՅՈՒՆԵՍԿՕ-ի՝ Հռչակավոր մարդկանց և կարևոր իրադարձությունների հոբելյանների 2024-2025 թթ. օրացույցում»,- ասված է ՄԱԿ-ի հայաստանյան գրասենյակի տարածած հաղորդագրության մեջ։
