21.01.2026 | 23:30
Ինչ իրավիճակ է Հայաստանի ճանապարհներին և Լարսում
Հայաստանը նախաձեռնել է ՀԱՊԿ Գլխավոր քարտուղար Յուրի Խաչատուրովի փոխարինման գործընթացը. Աննա Նաղդալյան
Քաղաքականություն
28.08.2018 | 15:26
Այսօր ՀՀ ԱԳՆ խոսնակի ժամանակավոր պաշտոնակատար Աննա Նաղդալյանը հրավիրված մամուլի ասուլիսին պատասխանելով հարցին, թե օրեր առաջ Ռուսաստանի և Բելառուսի նախագահները հանդիպեցին և բնականաբար, քննարկվեց նաև ՀԱՊԿ-ի հարցն ու Հայաստանի դիրքորոշումը, ի՞նչ փուլում է գտնվում ՀԱՊԿ Գլխավոր քարտուղար Յուրի Խաչատուրովի հետկանչման գործընթացը և հնարավո՞ր է այնպիսի տարբերակ, որ այս պաշտոնում հաստատվի ոչ Հայաստանի ներկայացուցիչը, ասաց.
«Ինչպես արդեն ասել ենք, Հայաստանը նախաձեռնել է ՀԱՊԿ Գլխավոր քարտուղարի փոխարինման գործընթաց, և ինչպես բազմիցս նշվել է, սկսվել է ՀԱՊԿ տարբեր հարթակներում խորհրդակցությունների փուլ ինչպես գործող կանոնակարգի հիման վրա կոնսենսուսային լուծումներ գտնելու ուղղությամբ, այնպես էլ այդ կանոնակարգերը հստակեցնելու ուղղությամբ։
Իսկ ինչ վերաբերում է հարցի երկրորդ հատվածին, նշեմ, որ 2015թ. սեպտեմբերին Մոսկվայում կայացած ՀԱՊԿ գագաթաժողովի ժամանակ մասնակից պետությունները կոնսենսուսի հիման վրա կայացրել են որոշում, որ գլխավոր քարտուղարի պաշտոնն այսուհետ կստանձնեն բոլոր անդամ պետությունները ռոտացիոն կարգով՝ ըստ ռուսական այբուբենի: Ըստ այդ կարգի ՀԱՊԿ գլխավոր քարտուղարի պաշտոնը 3 տարի ժամկետով ամրագրվել է Հայաստանին և համապատասխանաբար Հայաստանը ներկայացրել է իր թեկնածուին: Իսկ ՀԱՊԿ շրջանակներում, նորից եմ կրկնում, բոլոր որոշումները կայացվում են կոնսենսուսի հիման վրա»:
