09.09.2026 | 20:47
Ծովինար Վարդանյանը հրաժարվել է ինձ ընդունել, դիմել եմ դատարան. Էդգար Ղազարյան. ՏԵՍԱՆՅՈՒԹ
Պուտինը թույլատրել է օգտագործել ՌԴ-ում ամերիկյան գույքը՝ ԱՄՆ-ում ռուսական ակտիվների առգրավման վնասը փոխհատուցելու համար
Քաղաքականություն
23.05.2024 | 19:12
ՌԴ նախագահ Վլադիմիր Պուտինը հրամանագրով թույլատրել է օգտագործել Ռուսաստանի Դաշնությունում ամերիկյան ունեցվածքը՝ փոխհատուցելու ԱՄՆ-ում ռուս օլիգարխների և Ռուսաստանի Կենտրոնական բանկի ակտիվների առգրավումից առաջացած վնասը, գրում է ՏԱՍՍ-ը։
Փաստաթղթում ասվում է, որ Ռուսաստանի կառավարությունը պարտավոր է սահմանել ԱՄՆ-ի «ոչ բարեկամական և միջազգային իրավունքին հակասող» գործողությունների կապակցությամբ Ռուսաստանին պատճառված վնասի փոխհատուցման հատուկ ընթացակարգ։
Ռուսաստանի կառավարության կողմից ստեղծված հատուկ հանձնաժողովը կբացահայտի ԱՄՆ իրավաբանական անձանց պատկանող գույքը, ներառյալ արժեթղթերը, որոնք կարող են օգտագործվել վնասը փոխհատուցելու համար։
Վնասը փոխհատուցելու համար, ըստ հրամանագրի, կարող են օգտագործվել՝
• Միացյալ Նահանգներին կամ դրա քաղաքացիներին պատկանող շարժական և անշարժ գույքը;
• ԱՄՆ-ին կամ դրա քաղաքացիներին պատկանող արժեթղթերը, բաժնետոմսերը Ռուսաստանի իրավաբանական անձանց կանոնադրական կապիտալում;
• Միացյալ Նահանգներին կամ դրա քաղաքացիներին պատկանող սեփականության իրավունքը:
