Քաղաքականություն
23.05.2024 | 18:17
Թաթարստանում՝ Ելաբուգա քաղաքից ոչ հեռու, անօդաչու թռչող սարք է խոցվել։ Այս մասին հայտնել են քաղաքապետ Ռուստեմ Նուրիևը և ՌԴ Պաշտպանության նախարարությունը, գրում է Current time-ը։
«ՌԴ ՊՆ-ի տվյալներով՝ այսօր Ելաբուգայի շրջանում հակաօդային պաշտպանության ուժերի կողմից ոչնչացվել է ինքնաթիռային տիպի անօդաչու թռչող սարք։ Տեղում ավերվածություններ չկա։ ԱԻՆ-ն ու օպերատիվ ծառայությունները տեղում անհրաժեշտ միջոցառումներ են իրականացնում»,- գրել է Նուրիևը։
Բացի այդ, անօդաչու թռչող սարքի հարձակման սպառնալիքի պատճառով Կազանի և Նիժնեկամսկի օդանավակայաններն այսօր որոշ ժամանակով սահմանափակել են գործունեությունը։ Սահմանափակումներն արդեն հանվել են։ Astra տելեգրամ-ալիքը հայտնել է, որ քաղաքների վրայով ԱԹՍ-ներ են նկատվել։ Կազանում տարհանել են նաև «Օրգսինթեզ» քիմիական գործարանի աշխատակիցներին։
