Հակահեղափոխական ուժերը ո՞րն են՝ Լենինն արթնացե՞լ է, ինչ է․ Գալուստ Սահակյան․ ՏԵՍԱՆՅՈՒԹ  

Որպեսզի երկրում լիարժեք իշխանություն լինի, բնականաբար, պետք է ընտրություններ լինեն, իսկ թե դրան հասնելու համար ինչպիսի՞ պայմաններ են  անհրաժեշտ, ապա դրա մասին պետք է մտածի ընտրությանը մասնակցող յուրաքանչյուր կուսակցություն։ 

Հարցին՝ արդյոք որպես պատգամավոր պատրաստ է գնալ խորհրդարանի ինքնալուծարման, ինչն առաջարկում է վարչապետ Նիկոլ Փաշինյանը, Գալուստ Սահակյանը պատասխանեց․ «Ես չեմ կարծում, որ ներկա իշխանությունները քաղաքական ուժերի հետ այդ իմաստով զրուցել են, երբ գա ժամանակը, որոշակի զրույցներ տեղի կունենան, պարզ կդառնա։ Ինչ վերաբերում է այս սահմանադրական կարգի խորհրդարանը լուծարելուն, ապա դա դժվար խնիդիր է․ մոտ 50 հազար ստորագրություն է անհրաժեշտ, որոնք պետք է լինեն պատճառաբանված, բացի դրանից՝ 70 պատգամավոր կողմ պետք է քվեարկի»։

Դիտարկմանն արդյոք կգտնվի 70 պատգամվոր, որ կողմ կքվեարկի ԱԺ-ի ինքնալուծարմանը, պատգամավորը պատասխանեց․ «Եթե լինեն քաղաքական ուժերի հետ խորհրդակցություններ, կարող են այդ ճանապարհով գնալ կամ գուցե կան ավելի կարճ ճանապարհներ»։

Խոսելով խորհրդարանի ինքնալուծարման մասին՝ Գալուստ Սահակյանը նկատեց, որ, եթե որևէ անգամ խորհրդարանի ինքնալուծարման գնացինք, ուրեմն 30 տարի շարունակ այդ խնդիրն անընդհատ առաջ է գալու։  

Հարցին՝ պատրա՞ստ են սատարել Նիկոլ Փաշինյանի Կառավարությանը, պատգամավորը պատասխանեց․ «Եթե դրական արդյունքների մասին է խոսքը, բնականաբար, մենք ավելի շատ վերահսկում ենք երկրի անվտանգության խնդիրները, մեզ համար ամենկարևորը երկրի անվտանգությունն է և այդ խնդիրներում բնականաբար, արձագանքելու ենք»։

Գալուստ Սահակյանը խոսեց նաև հակահեղափոխություն երևույթի մասին և նկատեց․ «Հակահեղափոխական ուժերը ո՞րն են՝ Լենինն արթնացե՞լ է, ինչ է»։

Մանրամասները՝ տեսանյութում։