14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Ղազախստանի Ժալգանսայ գյուղում ճեղքվել է ամբարտակը. գիշերն ավելի քան 150 մարդ է տարհանվել
Քաղաքականություն
23.05.2024 | 17:31
Մայիսի 23-ի գիշերը Ղազախստանի արևմուտքում գտնվող Ժալգանսայ գյուղում Ժայիկ գետի արգելապատնեշը ճեղքվել է ջրի մակարդակի կտրուկ բարձրացման հետևանքով։ Այն արդեն գերազանցել է կրիտիկական մակարդակը։ Մի քանի բնակավայրեր ջրհեղեղի վտանգի տակ են, ավելի քան 150 մարդու ստիպված են եղել տարհանել, փոխանցում է Current Time-ը։
Գիշերը Ժալգանսայ գյուղի բնակիչներին արթնացրել է տագնապի ահազանգը․ «Ժալգանսաի հարգելի՛ բնակիչներ, հրատապ է։ Գետի ամբարտակը ճեղքվել է, ջուրն արագորեն բարձրանում է։ Ձեր անվտանգության համար հայտարարվել է արտակարգ տարհանում»։
Մարդկանց խնդրել են իրենց հետ վերցնել միայն փաստաթղթեր և տեղավորվել Տոլենովսկայա գյուղական դպրոցի տարհանման կետում։ Գյուղի բնակիչները պատմել են, որ անմիջապես չեն հասկացել, թե ինչ է տեղի ունեցել, սակայն ավելի ուշ Ղազախստանի արտակարգ իրավիճակների ծառայությունը պարզաբանել է իրավիճակը։
Փրկարարներն հայտնել են, որ բացի բուն արգելապատնեշից՝ գյուղում ավերումներից հաջողվել է խուսափել։ Սակայն դեռ վաղ է մարդկանց իրենց տները վերադարձնելը։ Գյուղ են ժամանել լրացուցիչ ուժեր՝ օգնելու նոր արգելաթմբի կառուցմանը: Դա հնարավորություն կտա զսպել ջրի հոսքը և խուսափել է՛լ ավելի մեծ հեղեղումներից։
