24.06.2026 | 12:10
Ավետիք Չալաբյանը ձերբակալվել է // Պապոյանը ԵՄ դեսպանների հետ արտահանման հարցեր է քննարկել․ ԼՈՒՐԵՐ
Մարդասիրական օգնության առաջին բեռները Գազա են հասցվել ԱՄՆ-ի կողմից կառուցված նավամատույցով
Քաղաքականություն
23.05.2024 | 16:00
ԱՄՆ-ի կողմից կառուցված նավամատույցով մարդասիրական օգնությունը սկսել է մատակարարվել Գազայի հատված: VOA-ի փոխանցմամբ՝ այս մասին հայտնել են ամերիկացի պաշտոնյաները:
«Օգնությունը գալիս է։ Ճիշտ է, ոչ այն տեմպերով, որը կհամապատասխանի մեզ, քանի որ մենք միշտ ավելին ենք ուզում անել»,- ասել է Սպիտակ տան ազգային անվտանգության խորհրդական Ջեյք Սալիվանը:
ԱՄՆ պաշտպանության նախարարության հաշվարկներով՝ մինչև չորեքշաբթի երեկոյան ավելի քան 800 տոննա օգնություն է հասցվել:
CNN-ը, վկայակոչելով ԱՄՆ ռազմածովային ուժերի փոխծովակալ Բրեդ Կուպերին, հաղորդում է, որ Միացյալ Նահանգները հույս ունի ամեն օր մոտ 500 տոննա կամ մոտ 90 բեռնատար օգնություն հասցնել նավամատույցով:
