18.12.2025 | 23:24
ՀՀ տարածքում ավտոճանապարհները հիմնականում անցանելի են
ԱՄՆ-ից պատվիրակություն է մեկնել Թուրքիա՝ բանակցելու F-35 կործանիչների և S-400 ՀՕՊ համակարգերի շուրջ
Քաղաքականություն
28.08.2018 | 14:22
ԱՄՆ և Թուրքիայի միջև լարված հարաբերություններին զուգահեռ երկու երկրներն էլ փորձում են ստեղծված իրավիճակից դուրս գալու համար ելքեր փնտրել բանակցությունների միջոցով: Ստեղծված լարվածության պատճառներից մեկն էլ Թուրքիայի և Ռուսաստանի միջև «S-400» հակաօդային պաշտպանության (ՀՕՊ) համակարգերի գործարքի վերաբերյալ կայացած վերջնական համաձայնությունն է. փոխանցում է ermenihaber-ը:
ԱՄՆ-ն շարունակում է քայլեր ձեռնարկել Թուրքիային այդ գործարքից ետ պահելու ուղղությամբ: Այդ նպատակով Թուրքիա է մեկնել ԱՄՆ կոնգրեսի պատվիրակությունը:
Քննարկումներն ընթացել են Թուրքիային ամերիկյան «F-35» ռազմական ինքնաթիռների մատակարարման դադարեցման, ռուսական «S-400» ՀՕՊ համակարգերի գործարքի և «Քուրդիստանի բանվորական կուսակցության» (ՔԲԿ-PKK) հարցերի շուրջ:
ԱՄՆ-ի պատվիրակությունը թուրքական կողմին կոչ է արել հրաժարվել «S-400» ՀՕՊ համակարգերի գործարքից՝ նշելով, որ հրաժարվելու պարագայում կվերանա «F-35» ռազմական ինքնաթիռների մատակարարման արգելքը:
Թուրքական կողմն էլ իր հերթին մեղադրել է ԱՄՆ-ին PKK-ի դեմ պայքարում Թուրքիային անհրաժեշտ օգնություն չցուցաբերելու մեջ և պահանջել, որ Վաշինգտոնը հրաժարվի հակաթուրքական մոտեցումներից:
