18.05.2026 | 16:11
Թուրքիան և Իսրայելը մերժել են Ուկրաինայի բռնազավթված տարածքներից հացահատիկ տեղափոխող ռուսական նավի մուտքը
ՀՅԴ-ն կողմ է ցանկացած լուծման, որը տեղավորվում է սահմանադրական կարգի մեջ․ Արմեն Ռուստամյան․ ՏԵՍԱՆՅՈՒԹ
Քաղաքականություն
28.08.2018 | 14:29
Հայաստանի Ազգային ժողովի ՀՅԴ խմբակցության ղեկավար Արմեն Ռուստամյանն արտահերթ խորհրդարանական ընտրությունների անցկացման համար նախ սպասում է Վենետիկի հանձնաժողովի վերջնական եզրակացությանը։ Այս մասին այսօր ԱԺ արտահերթ նիստի ավարտից հետո, պատասխանելով լրագրողների հարցերին, ասաց պատգամավորը։
Վերջինս նշեց, որ նախ պետք է հստակեցվեն արտահերթ ընտրության անցկացման ժամկետները, որից հետո տեղի կունենա ԱԺ-ի ինքնալուծարումը։
«Իսկ, եթե ինչ-որ դավադրություններն են տեսնում, ինչը ես հասկանում եմ վարչապետի խոսքից, ես դրա հիմքերը չեմ տեսնում։ Այսօրվա Ազգային ժողովը աջակցում է Կառավարությանը, ես չեմ հասկանում այդ կասկածանքն ինչի՞ց է առաջացել, իսկ եթե այդ կասկածանքը փարատելու համար ճանապարհ է փնտրվում, դա նորից պետք է Ազգային ժողովում արվի»,- ասաց Արմեն Ռուստամյանը։
ՀՅԴ խմբակցության ղեկավարը նաև նշեց, որ ՀՅԴ-ն կողմ է ցանկացած լուծման, որը տեղավորվում է սահմանադրական կարգի մեջ, հակառակ պարագայում կստացվի սահմանադրական կարգի տապալում։
Մանրամասները՝ տեսանյութում։
