14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Մեքսիկայի նախագահի թեկնածուի հանրահավաքի ժամանակ բեմը փլուզվել է. մարդկային կորուստներ կան․ ՏԵՍԱՆՅՈՒԹ
Քաղաքականություն
23.05.2024 | 12:33
Մեքսիկայի Նուևո Լեոն նահանգ Սան Պեդրո Գարսիա քաղաքում նախընտրական հանրահավաքի ժամանակ բեմի փլուզման հետևանքով 9 մարդ է զոհվել, առնվազն 60-ը՝ տուժել, հայտնել է նահանգապետ Սամուել Գարսիան։ Կառույցը փլուզվել է նախագահի թեկնածու Խորխե Ալվարես Մայնեսի ելույթի ժամանակ։ Քամու ուժգին պոռթկումը ներկաների վրա է նետել մեծ էկրանը, որի վրա այդ պահին ներկայացվել է կուսակցության տարբերանշանը։
Սոցցանցերում հրապարակված տեսանյութում երևում է, թե ինչպես է մետաղյա կոնստրուկցիան հսկայական պաստառով թռչում ելույթ ունեցողների գլխավերևով ու ընկնում հավաքված քաղաքացիների վրա։ Ավելի վաղ նահանգապետը հայտնել էր 5 զոհի և շուրջ 50 տուժածի մասին, գրում է ՌԻԱ Նովոստին։
«Ցավով տեղեկացնում եմ ձեզ, որ մինչ այժմ ութ մեծահասակ և մեկ անչափահաս է մահացել արտակարգ իրավիճակի հետևանքով»,- գրել է Գարսիան X-ում։
Տեղական ABC Noticias պարբերականը, վկայակոչելով նահանգապետի խոսքերը, գրում է, որ տուժածների թիվը հասել է 63-ի, նրանք արդեն բուժօգնություն են ստանում քաղաքի տարբեր հիվանդանոցներում։
Սա Մեյնեսի նախագահական ընտրարշավի վերջին հանդիպումն էր և տեղի էր ունենում նրա կուսակցության՝ Movimiento Ciudadano-ին ամենաուժեղ աջակցությամբ, որի ներկայացուցիչն է նաև նահանգապետ Գարսիան:
Մանրամասները՝ տեսանյութում։
