30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
ՌԴ-ն նոր հարված է հասցրել Խարկովին․ վիրավորներ կան
Քաղաքականություն
22.05.2024 | 17:03
Չորեքշաբթի կեսօրին ռուս զինվորականների կողմից Խարկովի հերթական գնդակոծության հետևանքով առնվազն ութ մարդ վիրավորվել է, Telegram-ում գրառմամբ հայտնել է քաղաքապետ Իգոր Տերեխովը։
Տարածաշրջանային ռազմական վարչակազմի ղեկավար Օլեգ Սինեգուբովն ավելի վաղ հայտնել էր չորս տուժածի մասին, որոնցից մեկի՝ տրոլեյբուսի վարորդի վիճակը ծանր է։
«Բազմաբնակարան շենքում հրդեհ է բռնկվել, մեքենաներ են վնասվել»,- գրել է Սինեգուբովը Telegram-ում։
Նրա խոսքով՝ ժամը 13:45-ին ռուս զինվորականները հարված են հասցրել Խարկովին, նախնական տվյալներով՝ կառավարվող զինամթերքով։
«Գազալցակայանում հրդեհ է բռնկվել, վնասվել է սրճարան»,- հայտնել է շրջանային վարչակազմի ղեկավարը։
Ռուսական կողմը չի մեկնաբանել նոր հարվածը։
