01.11.2024 | 12:16
Տարադրամի փոխանակման պատրվակով խարդախությամբ գումարներ հափշտակելու նոր մեխանիզմ․ ՀՀ ՔԿ-ն զգուշացնում է
Չինաստանը սկսել է մահաբեր զենք ուղարկել Ռուսաստան. Մեծ Բրիտանիա
Քաղաքականություն
22.05.2024 | 16:08
Մեծ Բրիտանիայի պաշտպանության նախարար Գրանտ Շափսը հայտարարել է, որ Չինաստանը սկսել է մահաբեր զենք ուղարկել Ռուսաստան՝ Ուկրաինայի դեմ օգտագործելու համար։ Լոնդոնում պաշտպանական համաժողովի ժամանակ Շափսն ասել է, որ Մեծ Բրիտանիայի և ԱՄՆ-ի հետախուզական ծառայությունները տեղեկություն են ստացել նման մատակարարումների մասին, փոխանցում է BBC-ի ռուսական ծառայությունը։
Մայիսի կեսերին ՌԴ նախագահ Վլադիմիր Պուտինն այցելեց Չինաստան՝ իր հետ տանելով Ռուսաստանի կառավարության բոլոր առանցքային պաշտոնյաներին։
Շափսն ասել է, որ Պեկինի և Մոսկվայի միջև առևտուրն աճել է 65%-ով, ինչը «ցույց է տալիս, որ այստեղ մենք խոսում ենք շատ ավելի սերտ հարաբերությունների մասին»:
«Սրանք նոր հետախուզական տվյալներ են, որոնք ես այսօր կարող եմ գաղտնազերծել. դրանցում խոսվում է այդ մասին: Կարծում եմ, որ դա բավականին կարևոր է»,- ասել է Շափսը:
Մեծ Բրիտանիայի պաշտպանության նախարարը չի հստակեցրել, թե չինական ինչ զինատեսակների մասին է խոսքը։
