Քաղաքականություն
22.05.2024 | 14:49
ՀՀ վարչապետ Նիկոլ Փաշինյանի հետ հանդիպմանը Իրանի գերագույն հոգևոր առաջնորդ այաթոլլա Ալի Խամենեին մատնանշել է Իրանի և Հայաստանի պատմաաշխարհագրական ընդհանրություններն ու ընդհանուր շահերը՝ նշելով, որ Հայաստանի հետ հարաբերություններն ընդլայնելու՝ Իրանի քաղաքականությունը պետք է շարունակել Իսլամական Հանրապետության նախագահի ժամանակավոր Մոխբարի առաջնորդությամբ, գրում է IRNA-ն։
Անդրադառնալով երկու երկրների հարաբերությունների ռազմավարական բնույթի վերաբերյալ Հայաստանի վարչապետի շեշտադրմանը՝ Իրանի հոգևոր առաջնորդն ասել է. «Համագործակցության ընդլայնման իմ շեշտադրումը վկայում է հարաբերությունների ռազմավարական բնույթի մասին, սակայն կարևորն այն է, որ Իրանի և Հայաստանի հարաբերություններն ունեն հակառակորդներ, և երկու երկրներին առնչվող հարցերը պետք է արվեն խնամքով»։
«Մեր հանգուցյալ նախագահը շատ զգայուն էր Հայաստանի հետ կապված սահմանային խնդիրների և դրա շուրջ տեղի ունեցող իրադարձությունների նկատմամբ, և այդ զգայունությունն ու հոգատարությունը դեռ պետք է հաշվի առնել։ Մենք պետք է կարողանանք ապահովել մեր սեփական շահերը»,- հավելել է այաթոլլա Ալի Խամենեին։
Հիշեցնենք, որ Նիկոլ Փաշինյանը մասնակցում է ուղղաթիռի կործանման հետևանքով զոհված Իրանի նախագահ Էբրահիմ Ռաիսիի, արտաքին գործերի նախարար Հոսեյն Ամիր Աբդոլլահիանի և նրանց ուղեկցողների վերջին հրաժեշտի և ցավակցություն հայտնելու պաշտոնական արարողությանը:
