06.04.2026 | 13:41
Թիկնիզյանի ասիստը, Սիմոնյանի, Դավիդյանի, Կորյանի ու Ալեքսանյանի գոլերը․ ՏԵՍԱՆՅՈՒԹ
Ռուսաստանը կարող էր տիեզերական զենք դուրս բերել ուղեծիր. Պենտագոն
Քաղաքականություն
22.05.2024 | 16:41
ԱՄՆ պաշտպանության նախարարությունը ենթադրում է, որ Ռուսաստանը Երկրի ուղեծիր է դուրս բերել հակաարբանյակային տիեզերական ռազմական սարք։ Այս մասին հայտարարել է Պենտագոնի մամուլի խոսնակ Պատրիկ Ռայդերը, գրում է DW-ի ռուսական ծառայությունը։
«Մայիսի 16-ին Ռուսաստանն արբանյակ է արձակել Երկրի ցածր ուղեծիր, որը, մեր գնահատմամբ, հավանաբար հակատիեզերական զենք է, ենթադրաբար, այլ արբանյակների վրա Երկրի ցածր ուղեծրում հարձակվելու ունակությամբ»,- ասել է Ռայդերը։
Նրա խոսքով՝ Ռուսաստանը տեղակայել է այս «նոր հակատիեզերական զենքը» նույն ուղեծրում, որտեղ գտնվում է ԱՄՆ կառավարության արբանյակը։
«Այսպիսով, գնահատականները նաև ցույց են տալիս բնութագրումներ, որոնք հիշեցնում են հակատիեզերական ծանրաբեռնվածությունը 2019 և 2022 թվականներին»,- եզրափակել է Պենտագոնի խոսնակը:
Ռայդերը չի մեկնաբանել՝ արդյո՞ք ԱՄՆ-ը նախապես իմացել է արբանյակի արձակման մասին:
Փետրվարին էլ ամերիկյան ԶԼՄ-ները, վկայակոչելով Կոնգրեսում աղբյուրներին, հայտնել էին, որ ՌԴ-ն մտադիր է տիեզերքում միջուկային զենք տեղակայել՝ արբանյակների դեմ օգտագործելու համար։
Անցյալ շաբաթ The Wall Street Journal-ը հայտնել էր, որ Ռուսաստանը 2022 թվականի փետրվարին արբանյակ է արձակել տիեզերք, որը նախատեսված է պոտենցիալ հակաարբանյակային միջուկային զենքի բաղադրիչներ փորձարկելու համար: WSJ-ի տվյալներով՝ Cosmos-2553 արբանյակը դեռ պտտվում է Երկրի շուրջ։
