12.10.2026 | 15:36
Ադրբեջանի դպրոցներում զանգվածային բողոքի ցույցեր են անցկացվել․ հաղորդվում է սոցցանցերի խափանումների մասին․ ՏԵՍԱՆՅՈՒԹ
Ընդդիմություն լինելը լավ բան է, բայց պետական գաղափարախոսությունն ավելի կարևոր է․ Էդուարդ Շարմազանով․ ՏԵՍԱՆՅՈՒԹ
Տնտեսություն
28.08.2018 | 12:59
Կառավարության նախաձեռնությամբ Ազգային ժողովում այսօր մեկնարկեց արտահերթ նստաշրջանը, որի օրակարգում ընդգրկված է «Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների տարեկան ու համալիր ծրագրերը հաստատելու մասին» ՀՀ օրենքում լրացումներ կատարելու մասին օրենքի նախագիծը։
Հարցի վերաբերյալ ԱԺ փոխնախագահ Էդուարդ Շարմազանովը նշեց, որ այս նախագծով իրենք ընտրություն են կատարելու վատի և վատթարագույնի միջև։
«Սևանը մեր բոլորի աչքի լույսն է, կա պետական ծրագիր Սևանի աղտոտվածության և Սևանա լճի մակարդակը բարձրացնելու մասին, միևնույն ժամանակ, կա գյուղացիական տնտեսությունների առջև կանգնած օրհասական հարց․ եթե հողերը չջրվեն, ապա մենք կունենանք լուրջ աղետ, որը կլինի գյուղատնտեսական կամ պետական աղետ, այս առումով խորհրդարանը պետք է ամբողջ ծավալով իրականացնի իր վերահսողական գործառույթներն ու աշխատի Կառավարության հետ»,- ասաց ԱԺ փոխնախագահը։
Էդուարդ Շարմազանովը նկատեց, այս հարցում չպետք է տարանջատել ընդդիմություն և իշխանություն, ընդդիմություն լինելը լավ բան է, բայց պետական գաղափարախոսությունն ավելի կարևոր է։
Մանրամասները՝ տեսանյութում:
