Նոր մանրամասներ են հայտնի դարձել Ռայիսիի ուղղաթիռի կործանումից

Իրանի նախագահի վարչակազմի ղեկավար Ղոլամ-Հոսեյն Էսմայիլին, որը եղել է նախագահ Էբրահիմ Ռայիսիի ուղղաթիռին ուղեկցող մյուս ուղղաթիռներից մեկում, նկարագրել է ավիավթարի հանգամանքները։ Նրա խոսքերը մեջբերում է IRNA գործակալությունը։
Էսմայիլիի խոսքով՝ եղանակը բարենպաստ է եղել, միայն Սունգուն պղնձի հանքավայրի տարածքում է ամպամածություն եղել, որին շարասյունը հասել է թռիչքից 30 րոպե հետո։ Մառախուղ չկար, ընդգծել է նա։

«Ամպերը ուղղաթիռից մի փոքր բարձր էին։ Ուղղաթիռի օդաչուն, որում նախագահն էր, որպես հրամանատար, մեզ հրահանգներ տվեց բարձրություն հավաքել և շարունակել շարժվել ամպերից վեր»,- ասել է Էսմայիլին։

Ուղղաթիռները բարձրություն են հավաքել, սակայն 30 վայրկյան անց Իրանի նախագահի ուղղաթիռն անհետացել է տեսադաշտից։ Ուղղաթիռի օդաչուն, որով թռչում էր նախագահի աշխատակազմի ղեկավարը, շրջադարձ է արել՝ փորձելով գտնել Ռայիսիի ուղղաթիռը, սակայն ուղղաթիռը կապի դուրս չի եկել մոտ մեկուկես րոպե։ Այդ ժամանակ հայտնվել են առաջին ենթադրությունները, որ Ռայիսիի ուղղաթիռը կարող էր կործանվել, նշել է Էսմայիլին։

Նախագահի աշխատակազմի ղեկավարին տեղափոխող ուղղաթիռը վայրէջք է կատարել Սունգուն հանքավայրում։ «Որոշ ժամանակ անց մեզ հաջողվեց բջջային հեռախոսով կապ հաստատել Իրանի Թավրիզ քաղաքի Ջումա մզկիթի իմամա Սայեդ Մոհամմադ Ալի ալ-Խաշի հետ։ Նա ասաց, որ իրեն լավ չի զգում և ինչ-որ տեղ ծառերի տակ է։ Հետո պարզ է դարձել, որ ուղղաթիռը կործանվել է»,- պատմել է պաշտոնյան։

Ավելի ուշ պարզվել է, որ ուղղաթիռի անձնակազմը և բոլոր ուղևորները տեղում մահացել են, միայն իմամն է մահացել է վթարից մի քանի ժամ անց։

Հիշեցնենք՝ մայիսի 19-ին Իրանի նախագահին տեղափոխող ուղղաթիռը կոշտ վայրէջք է կատարել հանրապետության հյուսիս-արևմուտքում՝ Ադրբեջանի հետ սահմանի մոտ։ Բացի Ռայիսիից, ինքնաթիռում եղել են Իրանի արտաքին գործերի նախարար Հոսեյն Ամիր Աբդոլլահիանը, Արևելյան Ադրբեջան նահանգի նահանգապետ Մալիք Ռահմատին, ինչպես նաև այլ պաշտոնյաներ և ինքնաթիռի անձնակազմը: Նրանք բոլորը մահացել են։

Վարչապետ Նիկոլ Փաշինյանը մեկնել է Իրան