21.07.2026 | 23:30
Էլեկտրամատակարարման ընդհատումներ՝ Երևանում ու մարզերում
Իսրայելը հայտնել է Գազայի հատվածի թունելներում պատանդների դիեր հայտնաբերելու մասին
Քաղաքականություն
21.05.2024 | 18:51
Գերմանիայի ու Իսրայելի քաղաքացի Շանի Լուքի ու ևս 3 պատանդների մարմիններն են անցյալ շաբաթ հայտնաբերվել Գազայի հատվածում։ Դիերը հայտնաբերվել են անկլավի հյուսիսային մասում գտնվող Ջեբալիա քաղաքի տակ գտնվող թունելներում։
Իսրայելցի զինվորականները ռազմական գործողության ժամանակ խուզարկություններ են իրականացրել կասկածելի շենքում, որում թունելային ցանց է հայտնաբերվել, հայտնել է Իսրայելի բանակը, գրում է DW-ի ռուսական ծառայությունը։
Գիշերն իրականացված օպերացիայի ընթացքում զինվորները մտել են թունել, բախումներ են սկսվել։ Մարտի ընթացքում նրանք հայտնաբերել են գերիների դիերը։ Մարմինները դուրս են բերվել թունելից։
Շանի Լուքից բացի՝ իսրայելցի զինվորականները հայտնել էին Գազայի հատվածում Ռոն Բենջամինի, Իցհակ Գելերենտերի և Ամիտ Բուսկիլայի մարմինների հայտնաբերման մասին։ Նրանք սպանվել են հոկտեմբերի 7-ին Իսրայելի վրա ՀԱՄԱՍ-ի խոշոր հարձակման ժամանակ:
