08.11.2026 | 00:09
Կրակոցներ Կրակովի կենտրոնում․ զոհերի թիվը հասել է 6-ի, կա 15 վիրավոր
Ռուս գեներալ Իվան Պոպովը ձերբակալվել է «խարդախության կասկածանքով»
Քաղաքականություն
21.05.2024 | 18:31
58-րդ բանակի նախկին հրամանատար, գեներալ-մայոր Իվան Պոպովը «ձերբակալվել է խարդախության կասկածանքով»։ Այս մասին գրում է ՏԱՍՍ-ը՝ վկայակոչելով իր անանուն աղբյուրին։
Նշվում է, որ 235-րդ կայազորային դատարանը բավարարել է կալանքի միջնորդությունը։ Այս մասին, սակայն, պաշտոնապես չի հայտարարվել:
ՌԴ իշխանությունները սովորաբար նախ հայտնում են կասկածյալների «ձերբակալության» մասին, իսկ հետո դատարանները հաստատում են (գրեթե երբեք չեն մերժում) կալանքը, սովորաբար՝ 60 օրով, որը հետագայում երկարացվում է նույն ժամկետով:
Ենթադրվում է, որ Պոպովը կասկածվում է առանձնապես խոշոր չափերով խարդախության մեջ, գրում է BBC-ի ռուսական ծառայությունը։
Գեներալ Պոպովը ղեկավարել է 58-րդ բանակը, որը 2023 թվականի ամռանը գործել է Զապորոժիեի ուղղությամբ և հետ մղել Ուկրաինայի զինված ուժերի հարձակումը։ Հուլիսին հայտնի դարձավ նրան հրամանատարությունից հեռացնելու մասին, ինչին նախորդել էր Պոպովի կոչի հրապարակումը, որում նա խոսում էր բանակի խնդիրներից, որոնց մասին, ըստ նրա, Գլխավոր շտաբի պետ Վալերի Գերասիմովը չէր ցանկանում լսել։
