04.06.2026 | 14:03
Իսրայելի պաշտպանության նախարարը հայտարարել է Լիբանանում գործողությունները շարունակելու մասին՝ չնայած հրադադարի համաձայնագրին
Ինչո՞ւ են Սևանա լճի ջրի հաշվին արտադրված էներգիայից ստացված գումարները գնում արտաբյուջե, ոչ թե բյուջե․ Հայկ Բաբուխանյան․ ՏԵՍԱՆՅՈՒԹ
Հասարակություն
28.08.2018 | 12:09
Ազգային ժողովի ՀՀԿ-ական պատգամավոր Հայկ Բաբուխանյանն այսօր Ջրային պետական կոմիտեի նախագահ Ինեսսա Գաբայանից հետաքրքրվեց՝ ինչո՞ւ են Սևանա լճի հավելյալ ջրի հաշվին արտադրված էլեկտրաէներգիայից ստացված գումարները գնում արտաբյուջե, ոչ թե բյուջե, արդյոք կոմիտեն հաշվարկե՞լ է, թե այս հավելյալ ջրառի արդյունքում որքանով են ավելանալու այդ ջրի հաշվին արտադրված էլեկտրաէնեգիայից ստացված եկամուտները և արդյոք կա՞ ջրի մաֆիա։
Ինեսսա Գաբայանը նշեց, որ կարծում է՝ կա ջրի մաֆիա, ինչը պետք է բացահայտվի, իսկ ինչ վերաբերում է արտաբյուջեի մասին հարցին՝ նշեց, որ այս հարցին պետք է պատասխանի ոչ թե ինքը, այլ Ֆինանսների նախարարությունը։
Հայկ Բաբուխանյանը նշեց, որ իր տված հարցը վերաբերում է այսօր ԱԺ բերած օրենքի նախագծին։ «Դե, եթե դուք չպետք է մեզ պատասխանեիք, ուրեմն Ձեզ հետ պետք է Ֆինանսների նախարարությունից մարդ գար»,- Ինեսսա Գաբայանի պատասխաններից դժգոհ մնալով՝ ասաց պատգամավորը։
Նշենք, որ Ջրային պետական կոմիտեի նախագահը շեշտեց, որ Սևանա լճի ջրի հաշվին հոսանքից ստացված գումարների մասին հարցը ևս իր ղեկավարած գերատեսչության տիրույթում չի գտնվում։
Մանրամասները՝ տեսանյութում։
