21.07.2026 | 23:30
Էլեկտրամատակարարման ընդհատումներ՝ Երևանում ու մարզերում
ԵՄ-ն հավանություն է տվել Ռուսաստանի սառեցված ակտիվներից ստացված եկամուտների օգտագործմանը
Քաղաքականություն
21.05.2024 | 15:49
Եվրամիությունը հավանություն է տվել Ռուսաստանի Կենտրոնական բանկի սառեցված ակտիվներից ստացված միջոցների օգտագործմանը՝ Ուկրաինային օգնելու համար։ Դրա շնորհիվ Կիևը միայն 2024 թվականին կստանա 3 միլիարդ եվրո։ Այդ գումարի 90 տոկոսը կուղղվի Ուկրաինայի զինված ուժերին օգնությանը, X սոցցանցում հայտնել է Չեխիայի արտգործնախարար Յան Լիպավսկին։
Ակնկալվում է, որ ռուսական ակտիվները տարեկան կբերեն մոտ 5 մլրդ եվրոյի շահույթ, մինչդեռ Ուկրաինան օգնություն կստանա տարեկան երկու անգամ, գրում է Bloomberg-ը։
ԵՄ պլանների համաձայն՝ Ուկրաինային կտրամադրվի փետրվարի 15-ից ստացված ակտիվներից մաքուր շահույթը։ Այդ օրվանից, բելգիական Euroclear-ի առաջին եռամսյակի հաշվետվությունների համաձայն, շուրջ 159 միլիարդ եվրո արժողությամբ ռուսական սառեցված ակտիվները 557 միլիոն եվրոյի շահույթ են բերել:
Euroclear-ն իրեն կպահի մինչև փետրվարի 15-ը ստացված շահույթը, որպեսզի ծածկի ռիսկերը, օրինակ՝ կապված Ռուսաստանում դատական հայցերի հետ։ ԵՄ պլանը ներառում է նաև մեխանիզմ, որը թույլ կտա ավանդապահին պահել ավելի շատ միջոցներ, եթե դրանք անբավարար են որևէ անսպասելի ռիսկի դեմ պայքարելու համար:
