07.10.2026 | 12:36
ՌԴ-ն հրթիռներով ու ԱԹՍ-ներով զանգվածային հարված է հասցրել Ուկրաինային․ զոհեր և վիրավորներ կան
Պուտինը հեռախոսազրույց է ունեցել Իրանի նախագահի պաշտոնակատարի հետ
Քաղաքականություն
20.05.2024 | 18:54
ՌԴ նախագահ Վլադիմիր Պուտինը հեռախոսազրույց է ունեցել Իրանի նախագահի պաշտոնակատար Մոհամմադ Մոխբերի հետ։ Կրեմլի փոխանցմամբ՝ Պուտինն իր խորին ցավակցությունն է փոխանցել Իրանի գերագույն հոգևոր առաջնորդ Ալի Խամենեիին, Մոհամմադ Մոխբերին և Իրանի ժողովրդին՝ ավիավթարի հետևանքով Իրանի նախագահ Էբրահիմ Ռաիսիի և մի շարք այլ պետական գործիչների ողբերգական մահվան կապակցությամբ։
Վլադիմիր Պուտինն ընդգծել է, որ լավ էր ճանաչում և գնահատում էր Էբրահիմ Ռաիսիին՝ որպես վստահելի գործընկերոջ, որն իր անձնական անգնահատելի ներդրումն է ունեցել երկու երկրների միջև բարեկամական հարաբերությունների զարգացման գործում։ Մոխբերին անկեղծ երախտագիտություն է հայտնել երկրի համար այս դժվարին պահին կարեկցանքի ու աջակցության խոսքերի համար։
«Երկու կողմերն էլ ընդգծել են ռուս-իրանական համապարփակ փոխգործակցության հետագա հետևողական ամրապնդման իրենց փոխադարձ ցանկությունը՝ ի շահ երկու երկրների ժողովուրդների»,- ասվում է հաղորդագրության մեջ։
Հիշեցնենք, որ Իրանի նախագահ Էբրահիմ Ռաիսին, արտաքին գործերի նախարար Հոսեյն Ամիր Աբդոլլահիանը և Ադրբեջան կատարած այցից վերադարձող պատվիրակության մյուս անդամները զոհվել են ուղղաթիռի կործանման հետևանքով։
Իրանի առաջին փոխնախագահ Մոհամմադ Մոխբերը ժամանակավորապես կատարում է Էբրահիմ Ռաիսիի պարտականությունները։
