21.07.2026 | 23:30
Էլեկտրամատակարարման ընդհատումներ՝ Երևանում ու մարզերում
Խարկովի մերձակայքում հանգստի կենտրոնի գնդակոծության հետևանքով 7 մարդ է զոհվել
Քաղաքականություն
20.05.2024 | 18:01
Խարկովի մերձակայքում գտնվող հանգստի կենտրոնի վրա հարձակման հետևանքով զոհերի թիվը հասել է 7-ի, հայտնել է շրջանային ռազմական վարչակազմի ղեկավար Օլեգ Սինեգուբովը, գրում է BBC-ի ռուսական ծառայությունը։
Տուժածների թիվը 28 է։
Նախօրեին իշխանությունները հայտնել էին, որ տարածքը, որտեղ հանգստանում էին տեղի բնակիչները, ենթարկվել է հարձակման։ Ոստիկանությունը հայտնել էր 6 զոհի և 16 վիրավորի մասին։ Հանգստի կենտրոնի աշխատակիցներից մեկի ճակատագիրն անհայտ է՝ նա հարձակման ժամանակ ձկնորսության էր գնացել։
Ուկրաինայի իշխանությունների տվյալներով՝ ռուս զինվորականները երկու «Իսկանդեր-Մ» հրթիռ են արձակել։ Ռուսական կողմը չի մեկնաբանել հարվածը:
