07.04.2026 | 20:11
Սիմոնյանը տեղադրել է Factor TV-ի տեսանյութի մոնտաժած տարբերակ և ընտրողաբար է ներկայացրել ԱԺ դիմաց հավաքվածների խոսքերը
«Յուղոտ» պաշտոն՝ ՀՀԿ-ականին. «Ժամանակ»
28.08.2018 | 10:31
«Ժամանակ» թերթը գրում է.
Հանրապետական կուսակցության Վանաձորի խորհրդի փոխնախագահ, Վանաձորի ՀՀԿ-ական նախկին քաղաքապետ Սամվել Դարբինյանի տեղակալ, Վանաձորի սոցիալական ապահովության պետական ծառայության երկարամյա ղեկավար Արամ Հախինյանը նշանակվել է ՊԵԿ Գուգարքի տարածաշրջանային բաժնի, իսկ ավելի կոնկրետ՝ ՊԵԿ արևելյան մաքսատուն-վարչության պետ։
Վանաձորի քաղաքապետի ընտրությունների ժամանակ Արամ Հախինյանը պետք է գլխավորեր ՀՀԿ ցուցակը, սակայն ՀՀԿ-ի ներսում տեղի ունեցած խմորումների պատճառով այն գլխավորեց Մամիկոն Ասլանյանը, իսկ Հախինյանը մնաց 5-րդ համարը։ Ինչից հետո, որպեսզի Հախինյանը չնեղանա կուսակցությունից, նրան նշանակեցին Վանաձորի հարկայինի պետ, սակայն այդ պաշտոնում Հախինյանը չկարողացավ իրեն դրսևորել և 20 օր անց ազատվեց հարկայինի պետի պաշտոնից։
Հարկային համակարգից գլուխ չհանելը, սակայն, չխանգարեց, և Հախինյանը նշանակվեց Գուգարքի մաքսակետի պետի տեղակալ։ Իսկ օրերս, պետի պաշտոնանկությունից հետո նշանակվեց վարչության պետ։ ՊԵԿ լրատվականից հաստատեցին Արամ Հախինյանի նշանակումը։
Առավել մանրամասն՝ թերթի այսօրվա համարում:
