Քաղաքականություն
20.05.2024 | 12:28
Անցած շաբաթվա ընթացքում ուկրաինական զորքերը կարողացել են ամրապնդել իրենց դիրքերը Խարկովի մարզում։ Այս մասին հայտարարել է Ուկրաինայի նախագահ Վլադիմիր Զելենսկին՝ ելույթ ունենալով Ուկրաինայի զինված ուժերի գերագույն գլխավոր հրամանատար Ալեքսանդր Սիրսկիի զեկույցից հետո, փոխանցում է DW-ի ռուսական ծառայությունը:
Նախագահի խոսքով՝ Ուկրաինայի զինված ուժերը բարելավել են իրենց դիրքերը նաև Դոնեցկի ուղղությամբ, մասնավորապես, Չասով Յարի շրջաններում․ քաղաք, որը ռուսական զորքերը փորձում էին գրավել վերջին մի քանի օրերին։
«Օկուպանտը չի հասնի իր նպատակին՝ տարածել մեր ուժերը և դրանով իսկ թուլացնել Ուկրաինան Խարկովի մարզից մինչև Դոնեցկի մարզ լայն ճակատով։ Ես շնորհակալություն եմ հայտնում յուրաքանչյուր զինվորի, յուրաքանչյուր սերժանտի, յուրաքանչյուր սպայի, ով բավականաչափ համարձակ է և հաստատուն, ովքեր բավականին համարձակ ու հաստատակամորեն իրականացնում են մարտական հրամաններն ու պահում են մեր դիրքերը»,- ասել է Զելենսկին։
Ուկրաինայի նախագահը նաև շնորհակալություն է հայտնել փրկարարներին, շտապօգնության բուժաշխատողներին, վերանորոգող բրիգադներին, որոնք «ռուսական հրթիռակոծությունից հետո վերականգնում են կյանքի բնականոն վիճակը»։
«Շնորհակալություն բոլորին, ովքեր կատարելով իրենց մասնագիտական պարտականությունները՝ օգնում են մեր պետությանը կանգնել ռուսական ահաբեկչության դեմ»,- հավելել է նա։
Հիշեցնենք՝ մայիսի 10-ից ռուսական զորքերը կտրուկ ուժեղացրել են Ուկրաինայի սահմանամերձ տարածքների գնդակոծությունը Խարկովի մարզում։ Նույն օրը նրանք հարձակում են սկսել մի շարք շրջաններում, իսկ ավելի ուշ վերահսկողության տակ են վերցրել մի քանի բնակավայրեր։
